Taubru-1.jpg

Foto: Trond Loge

Taubruer

Leik i tau er både lærerikt og spennande. Friluftsrådet har utvikla taubruer som er enkle både å sette opp og ta ned. Med rettleiing frå ein vaksen kan barn frå ca. 10 år og oppover bygge sin eigen taujungel. No er taubruene til sals i nettbutikken til friluftsrådet.

Revidert og oppdatert 2016

Friluftsrådet utvikla taubruene allereie i 2008 som ein lærerik og kjekk aktivitet med tau, og ein introduksjon til klatreutstyr og knutar.

Taubruene er ein populære aktivitet for barn i skular, barnehagar, SFO og barne- og ungdomsleirar i Møre & Romsdal. Gjennom friluftsråda i Nordland er taubruene introduserte og brukt i ei rad skular og barnehagar også der. Taubruene har også vore til sals gjennom Speidersport.

Hausten 2016 reviderte friluftsrådet opplæringsheftet og har lagt ut taubruene for sal i nettbutikken vår. Kvart komplette taubrusett blir levert i ein praktisk liten ryggsekk saman med opplæringsheftet.


Heftet kan du også laste ned som pdf fil her: Instruksjonshefte taubruer 2016


Klikk på bildet for å sjå filmsnutt av barn i leik i taubruene på Youtube