![IMG_9642.JPG]({"320":"\/site\/img\/preview\/2986\/IMG_9642-JPG-320.jpg","480":"\/site\/img\/preview\/2986\/IMG_9642-JPG-480.jpg","960":"\/site\/img\/preview\/2986\/IMG_9642-JPG-960.jpg","1536":"\/site\/img\/preview\/2986\/IMG_9642-JPG-1536.jpg"})
Gøy med kajakk med Friluftsrådet!
Å arrangere padlefestival for ungdom i sommarferien er ein god tradisjon for Sunnmøre friluftsråd. I år er det femte året på rad at Sunnmøre friluftsråd arrangerer aktivitetar og kurs i kajakk. Padlefestival UNG er eit tilbod for ungdom i alderen 14.-17.år.
Introduksjonskurs - for deg som vil prøve kajakk!«På introduksjonskursa vil ein lære seg litt ein treng for å føle seg tryggare på vatnet, og ikkje minst så kjem det til å verte gøy» seier Sara Magnadottir og Ingrid Lauritzen som er instruktørar på kursa.
Introduksjonskursa går over 3 timar og vert i år arrangert på Nysætervatnet i Sykkylven og Flatvågen i Vestnes.«Padling blir stadig meir og meir populært, og det er viktig at dei som har lyst til å padle får nyttig erfaring i trygge rammer. På grunnkurset lærer ungdommane mellom anna om ulike farvatn, vær, padleteknikkar, turplanlegging og ikkje minst redningsteknikkar for å kunne redde seg sjølv og andre dersom ein skulle være uheldig» fortel Sara Magnadottir.
Du kan vere med på grunnkurset sjølv om du ikkje har tatt introduksjonskurset først. Grunnkursa i padlefestivalen er tilrettelagt for ungdom. I regelen vert grunnkurs arrangert over to lange dagar noko som kan vere slitsamt om ein ikkje er van med kajakk frå før. «Padlefestivalen sitt grunnkurs for ungdom går over 3 dagar slik at ein får fleire, og litt kortare dagar i kajakk. Det gir ungdommane meir overskot til leik og læring» seier Sara Magnadottir
Grunnkurs for ungdom over tre dagar vert arrangert i Hareid/Ulstein og i Skodjebukta i Ålesund. VåttkortVed gjennomført introduksjonskurs eller grunnkurs får ungdommane våttkort, som dei kan vise for å få låne kajakk til dømes med Bua ordningane.
Padlefestivalen for ungdom er tippemiddelfinansiertPadlefestivalen er finansiert gjennom tippemidlar til aktivitet for barn og unge. Det gjer at friluftsrådet kan arrangere kajakkursa til ein svært rimeleg eigenandel. Kursa i år kostar berre kr 150.- som tilsvarar kostnaden på våttkortet ungdommane får etter kurset.
