Grunnkurset er ein del av kursstigen til Norges Padleforbund, og gir grunnleggande innføring i turpadling, sikkerheit og bruk av havkajakk. Grunnkurset handler om å lære grunnleggande ferdigheiter, slik at du kan padle trygt i ei gruppe i skjerma farvatn etter kurset.
Vi legg kurset opp som ein tur begge dagane, gjer strandhogg med lunsj, og får forhåpentleg møte både fugle- og dyreliv. Det er et kjempeartig kurs og det er bare å glede seg!
Du får låne kajakk, padleåre, spruttrekk og padlevest gjennom friluftsrådet.
Har du eigen kajakk så ta kontakt og spør om dette er ein kajakk som høver for det som vi skal lære på kurset.
Ta med:
Godt med mat og drikke (kaldt og varmt).
Ekstra tøy i vanntette poser.
Våtdrakt eller tørrdrakt.
Vi tilrår at du investerer i ei personleg tørrdrakt eller våtdrakt. Om du vil vente litt og heller låne drakt no i starten er det viktig at du tenker på dette:
Låner du tørrdrakt MÅ du sjekke at denne passar og er tett i armar og hals. Vi har no erfaring frå fleire kurs med personar som har lånt tørrdrakt, og der drakta har hatt for store opningar som lek. Ei slik tørrdrakt er kaldare å bruke enn ei våtdrakt, og når den er full av vatn er eigenredning også mykje meir krevjande. Tørrdrakta må derfor passe og vere tett!
Fleire utstyrsbasar i regionen har våtdrakter og nokre har også tørrdrakter til utlån. (Mellom anna skattekammeret i Ålesund.)
Oversikt over utstyrsbasar finn du her: Utstyrsbasar
Elles kan det vere lurt å vente med å investere i kajakk til du får sett og prøvd litt gjennom nettverket.
Kursleiar: Dag Roland
Vegleiar: Christer Lundberg Nes
Kursdagar: torsdag 08.juni - fredag 09.juni
Tidspunkt: ca 0900-1700 (ca 8 timar kvar dag)
Kursstad: MAKS
Kurs kan bli flytta til anna skjerma område dersom det vert eller er utrygt for vind og/eller bølgjer på kursdagane
Her kan du lese meir om kursinnhaldet med padleforbundet: Grunnkurs hav
Utfyllande informasjon og køyrerettleiing blir sendt til påmeldte!
Kurset er gratis for lærarar på skular i nettverket!
Påmeldingsfrist: Helst så raskt som råd
Påmeldinga er bindande.
Atterhald:
Kurset blir gjennomført med minimum 6 deltakarar.