Ungdomskajakkar 2023 >

Du får låne eit standardoppsett av  kajakkar og utstyr for ungdom og vaksne.

Utstyret er innkjøpt våren 2017 med støtte frå Gjensidigestiftelsen. 

Friluftsrådet kjem difor til å vere strenge på at du som lånetakar tek godt vare på utstyret og leverer dette tørt og reint tilbake, slik at vi unngår unødig slitasje.

Kapasiteten på dette utstyret er 13 personar (til dømes 8 ungdommar og 2 vaksne)

I skjemaet under må du stadfeste at du har lasta ned rettleiaren for ungdomskajakkane og  sjekka tilhengerkalkulatoren til Statens Vegvesen.

Her lastar du ned rettleiaren: Utlån ungdomskajakk2019

Her er lenke til tilhengerkalkulatoren

Tilhengaren har registreringsnr AC 8810

Du får låne:

• Kajakkhengar
• 8 Current Design Sirocco
• 3 Current Design Storm
• 2 stk Zegul Arrow play (LV og HV)
• 14 faste årer (ei reserve åre)
• 1 delt åre (ekstra åre på tur)
• 2 rumpetaske med slepeline (ca 6m)
• 1 kasteline 15m
• 
  
• 2 Regatta action explorer padlevest (+ 90 kg)
• 3 Regatta action explorer padlevest (70-90 kg)
• 10 Regatta action explorer padlevest (50-70 kg)
• 26 pakkstropper til å feste kajakkane på hengaren
  

Frå hausten 2022 er kravet at lånetakar skal ha godkjenning som aktivitetsleiarar hav i våttkortstigen til padleforbundet for å låne utstyret til opplegg for barn og unge.

Skular som er med i kajakknettverket har ei overgangsordning.

I 2019 vart friluftsrådet stoppa i teknisk kontroll og fekk då påbod frå Politiet om betre sikring av kajakkane under transport med hengaren. Friluftsrådet hadde sjølv pakka hengaren denne dagen og kajakkane var mykje betre sikra enn dei brukar å vere når vi får dei igjen frå ekstern lånetakar. Med andre ord føler vi det viktig at dei som låner kajakkane sikrar lasta forsvarleg. Du må difor signere at du skal stroppe kvar einskild kajakk for seg.