Hilde_Ellingsaeter_ny_prosjektmedarbeidar_Sunnmoere_friluftsraad.jpg

Hilde Ellingsæter ny prosjektmedarbeidar

1. desember startar Hilde Ellingsæter i friluftsrådet. Ho skal mellom anna jobbe med StikkUT!, Friluftslivets ferdselsårer, nettsider, kommunikasjon og administrasjon. Vi ønsker Hilde velkomen til oss!

Hilde bur i Brattvåg i Ålesund og har lang erfaring innan journalistikk, grafisk design og arbeid med turstiar. Ho jobbar i dag som ansvarleg redaktør/journalist i lokalavisa Nordre, der ho har vore tilsett sidan 2017. Ho er utdanna grafikar, og har tidlegare arbeidd hos Hatlehols AS i over 30 år.  Hilde Ellingsæter har også mykje erfaring med turstiar. I 2013 gav ho ut turbok for Haram, med informasjon om over 90 turmål med bilde, kart og turskildringar. I dag er ho leiar av trimgruppa til Brattvåg IL, der ho mellom anna har erfaring med å skilte, merke og utbetre råser. Ho har også vore initiativtakar og koordinator for den nyopna Åsen troll- og eventyrskog, med gapahuk, bålplass og figurar langs løypa. Det er også positivt at Ellingsæter har vore Stikk UT!-kontaktperson i eige nærområde i fleire år. Ho er svært opptatt av friluftslivets gleder i folk sin kvardag, trim og fjellturar.