Padlefestival UNG 2019

Di beste, våtaste og kjekkaste ferieoppleving finn du ved badestranda på Eiksund tysdag 13.august kl 1000-1600. I samarbeid med Herøy kajakkklubb vert det mogleg å prøve kajakk med litt vegleiing, eller delta på grunnkurs! Vi samlar elles mykje moro og aktivitetar ved stranda!

Padlefestivalen er for alle mellom 13-19.år

Padlefestivalen vert gjennomført med spelemidlar til barn og unge gjennom Friluftsrådenes Landsforbund. Alle aktivitetar og kurs er difor gratis

Tysdag 13.august kl 10-16 Padlefestival UNG på Eiksund i Ulstein

Denne dagen er det berre å kome for å prøve kajakk, bade og halde på med aktivitet ved badestranda på Eiksund.

Prøve på kajakk?

Verkar kajakk spennande og du har berre lyst å prøve litt så er dette rette dagen!

Kvar heile og halve time kan du få prøve kajakkpadling saman med vegleiarar som gir litt tips undervegs

Denne dagen sett vi også opp to lavvoar på stranda til jente- og gutelavvo som skifte- og omkledningsrom!

Andre kjekke strandaktivitetar

Det blir sjølvsag mogleg å halde på med andre kjekke strandaktivitetar som

Beachvolleyball
Leikar
Frisbee
Grilling - ta med eigen grillmat
Bading - på eige ansvar
mm

Onsdag 14.-Torsdag 15.august er det grunnkurs UNG kajakk

Grunnkurs hav er eit 16 timars kurs og vert gjennomført på onsdag 14. og torsdag 15.august frå omlag kl 10-18

På kurset får du lære korleis du effektivt manøvrerer ein kajakk og korleis ein skal planlegge og gjennomføre ein sikker padletur i ei gruppe.

Du vil og få innføring i eigenredning og kameratredning.

Etter kurset får du våttkort med oblat frå Padleforbundet. Grunnkurs hav vert ofte krevd om du ynskjer å leige kajakk både lokalt og nasjonalt.

Kurset er gratis, men det er avgrensa plassar, les meir og meld deg på så raskt som råd!

Informasjon og påmelding til grunnkurset: påmelding grunnkurs UNG

Bli medlem i Herøy kajakklubb

Friluftsrådet oppfordrar alle til å bli medlemmer i Herøy kajakk-klubb. Då får du tilgang til eit spennande klubbmiljø, og etter grunnkurset kan du også få bruke klubbutstyret og klubbnaustet på Jensholmen i Herøy.

På Facebook finn du informasjon om Herøy kajakklubb

Arrangørar

Padlefestivalen vert arrangert av Sunnmøre friluftsråd i samarbeid med Herøy kajakklubb, Ung Arena Ulstein og Bell ungdomsklubb

Lenker på Facebook:

Bell ungdomsklubb

Ung Arena Ulstein