Stikk UT!

Her er alt frå flate korte turar på asfalterte vegar, til toppturar som ikkje er tilgjengelege før snøen smeltar. Her er turar i fjell og fjøre, på kysten og i innlandet, i skog og over myrer. Nokre går i tettbygde område, andre langt til fjells. 

Stikk UT! er ein elektronisk turkassetrim folk i alle aldrar og med ulik fysisk kapasitet kan vere med på. På turmåla finn du som turgåarane ein kode du enten skriv inn direkte i appen "Morotur" på mobilen, eller på nettsida under "Stikk UT!"-logoen oppe til høgre når du kjem heim. Her kan du følgje med på eigne og andre sine turar og turmål. Der finn du også detaljert informasjon om kvar enkelt tur og kan vurdere på førehand om dette er ein tur som passar.

Noko av det kjekkaste med Stikk UT! er  ny motivasjon til å kome seg ut, og det å oppdage så mange flotte turmål du ikkje visste om frå før!

Kor krevjande ein tur er kjem an på korleis du som går den opplever det. Derfor gir alle turar 1 poeng, uansett vanskegrad. Turane er graderte i grøne, blå, raude og ein svart. Dei grøne turane er dei enklaste, den svarte er for erfarne fjellfolk med godt turutstyr og kunnskapar om kart og kompass. 

Kartbrosjyren for årets Stikk UT!-sesong går i trykken i desse dagar og blir distribuert ut til alle husstandane i medlemskommunane i siste veka i april. I tida fram til 1. mai vil frivillige i kommunane jobbe med å få på plass skilt og kodar til sesongstart. Men nokre turar blir altså ikkje klare før ut på sommaren når snøen har smelta og det er råd å ta seg fram dit. 

Stikk UT!-2016 har likevel rikeleg å velje i, det er berre å starte oppladinga! 

For å finne turoversikt med kart klikk på ei av lenke her:

Klikk her for meir informasjon om Stikk UT!

Klikk her for informasjon om Stikk UT!-turar 2016