Lærande nettverk 2017

Lærande nettverk i friluft - Sunnmøre

Sunnmøre friluftsråd (tidlegare Friluftsrådet for Ålesund og omland) har arbeid med uteskule i skulane sidan 1994.

Friluftsrådet har målretta satsa mot skulane fordi vi har ynskja å hjelpe til med å legge til rette for meir og betre uteaktivitet i skulen. Arbeidet Friluftsrådet har gjort har variert frå å arrangere einskilde uteskuledagar med fordjupingstema til ulike undervisningsopplegg i ulike  natur- og nærmiljø, og til å utarbeide læreplanar for bruk av nærområdet i undervisninga.

Vi trur at elevane kan lære meir og betre ved å lære "om virkeligheten i virkeligheten" - samstundes som elevane då oppnår annan kompetanse i tillegg til undervisninga sitt hovudmål. Nettverket skal hjelpe skulane å sjå moglegheiter i nærområdet, og å gi tilbod om fagleg påfyll og inspirasjon gjennom erfaringsdeling i nettverket!

Hovudmål:
Fremje "stedsbasert læring" som metodisk verkty

Innhald:
Lærestadar utanfor klasserommet (moglegheiter i nærmiljøet)
Fysisk aktivitet
Kosthald og helse
Naturoppleving og miljømedvit
Sosialt miljø og gode læringsmiljø

Mål:
Forme pedagogiske planar for bruk av lokale lærestadar hjå den einskilde deltakar i nettverket
Initiere og utvikle lokale utviklingsprosjekt hjå den einskilde deltakar i nettverket
Etablere eit godt miljø for erfaringsdeling i nettverket
Tur etter evne - integrering av norsk friluftslivstradisjon med dagens krav til internkontroll og HMS i ulike natur- og nærmiljø

Lærande nettverk er:
Eit nettverk av frivillige skular i medlemskommunane til friluftsrådet
Friluftsrådet er nettverksleiar og knyt til seg ei eksterne ressursar - mellom anna Høgskulen i Volda.
Nettverket har 1 samlingar i året over 2 dagar med erfaringsdeling og faglig påfyll

Deltakarane i nettverket kan få besøk av friluftsrådet til intern opplæring/kurs eller lærar-elevrettleiing i skuleklassene